УЕФА Чемпиондар лигасы 1/8 финалының жеребе тарту рәсімі қайта өтетін болды, деп хабарлайды Prosports.kz.

Елорда уақытымен 17:00-де жеребе тартылып, барлық жұп анықталған еді. Алайда, рәсім барысында екі ірі қателік кеткендіктен, жеребені қайта тартуға тура келді.

Енді жеребе тарту рәсімі астана уақытымен 20:00-де қайта өтеді.

Айта кетейік, ережеге сай 1/8 финалда топтық кезеңде бірінші орын алған команда өзге топта екінші орын алған командамен кездеседі. Бірақ бір елдің қос командасы жолықпайды.