Ослода (Норвегия) өтіп жатқан әлем чемпионатында грек-рим күресінен Қазақстан командасының өкілі Сұлтан Әсетұлы жеңіліс тапты деп хабарлайды Olympic.kz.

63 келі салмақта сынға түскен Сұлтан грузиялық Лери Абулдаземен кездесіп, 4:5 есебімен ұтылды. Енді қазақстандық балуан қарсыласы финалға шыққан жағдайда ғана, жұбаныш белдесуіне мүмкіндік алады.

Еске сала кетейік, Сұлтан Әсетұлы биыл Алматыда өткен Азия чемпионатында топ жарған болатын.