Футзалдан Қазақстан құрамасының қақпашысы әрі капитаны Игита әлем чемпионатының топтық кезеңдегі соңғы матч қарсаңында қазақстандық жанкүйерлерге үндеу жасады, деп жазады Prosports.kz.

«Ертең әлем чемпионатында топтағы бірінші орын үшін шешуші матч! Әдеттегідей, сіздің қолдауыңыз біз үшін өте маңызды. Алға, Қазақстан!», - деп жазды Игита инстаграм парақшасында.

Айта кетейік, 18 қыркүйекте Қазақстан құрамасы Венесуэла құрамасымен кездеседі. Бұл ойын А тобындағы бірінші орынның тағдырын шешеді. Матч елорда уақытымен 23:00-де басталады.