Айып соққысынан бірінші гол, ағылшындар жіберген алғашқы доп, тағы бір соғылмаған пенальти және 11-ші автогол. Еуроның екінші финалисі анықталды
Еуропа чемпионатының екінші финалисі анықталды. Prosports.kz – кешегі матчтағы ең қызық сәттер туралы.
1/2 финал.
Англия – Дания 2:1 овертайм
Дүние жүзінде Данияға жанкүйер болғандар көп шығар, бірақ бәрі де финалға ағылшындар шығатынын түсінді. Ағылшындар міндетті еді: мәртебесі, ойыншылары, турнирдегі статистикасы, оның үстіне өз алаңында ойнап жатыр. Жанкүйерлер ағылшындардан финалдан басқа ештеңе күтпеді.
Бірақ есепті Дания ойыншылары ашты: Миккель Дамсгор айып соққысын дәл орындап, қақпашыға мүмкіндік қалдырмады. Бұл турнирде айып соққысынан салынған алғашқы гол болды. Иә, бір ай бойы ешкім айып соққысынан гол соға алмай келген еді.
Бірақ даниялықтардың қуанышы ұзаққа созылмады. Англия құрамасының қос қапталы белсеніп, сәт сайын Дания қорғанысын мазалаумен болды. Сондай шабуылдардың бірінде Симон Крьер допты өз қақпасына соғып алды - биылғы турнирдегі 11-ші автогол. Үздік сұрмергендер «месье Автоголдан» екі есеге қалып тұр.
Дания екінші таймда тек қорғанумен, Англия қақпаны торуылдаумен болды. Бірақ гол соға алмады. Дания қорғанысы үздік матчтарының бірін өткізген болар: қақпашы келген доптың бәрін қайтарды, ол үлгермеген тұста қорғаушылар көмекке келді.
Алаң иелерінің шабуылдары жемісін берді, негізгі уақытта емес, экстратаймда. Стерлинг айып алаңына енген сәтте қорғаушылар құлатып тастады. Пенальти. Каспер Шмейхель бұл соққыны да қайтарған, бірақ допқа бірінші Харри Кейн жетіп, гол соқты. 2:1 - Еуро-2020 екінші финалисі, ағылшындар енді Италиямен кездеседі.
Еуропа чемпионаты – 2020. Плей-офф. 1/2 финал.
Англия – Дания 2:1 (1:1, 0:0, 2:1)
Голдар: Кьер а/г 39, Кейн 104 – Дамсгор 30.
Соғылмаған пенальти: Кейн 104.
Англия: Пикфорд (Қ), Уокер, Стоунз, Магуайр, Шо, К. Филлипс, Райс (Хендерсон 95), Сака (Грилиш 69, Триппьер 106), Маунт (Фоден 95), Стерлинг, Кейн (К).
Дания: К. Шмейхель (Қ), Мэле, Вестергор (Винн 105), Кьер (К), Кристенсен (Андерсен 79), Стрюгер-Ларсен (Васс 67), Дилейни (Йенсен 88), Хейберг, Дамсгор (Поульсен 67), Дольберг (Нергор 67), Брейтвейт.
8 шілде. Лондон. «Уэмбли».
Комментарии