10 шілдеде Алматыда өтетін бокс кешінде Ержан Зәлілов жеңіліп көрмеген Бағдат Уайдаевқа қарсы жұдырықтасады.
- Ержан, Алматыдағы айқасыңызға дайындық қалай өтіп жатыр?
- Дайындық жақсы. Бабыма келдім. Әлі алдымызда екі апта дайындық уақыты бар.
- Сәуір айында қабырғаңызды жарақаттап алған едіңіз. Қазір денсаулығыңыз қалай?
- Емделу процесі жақсы өтті. Қазір еш жерім ауырмайды. Спаррингтер тамаша өтіп жатыр.
- Қазақстанда соңғы рет төрт жыл бұрын шаршы алаңға шыққан едіңіз. Ұсыныс қалай түсті?
- Маған тікелей Жалғас Түкешов хабарласып, жекпе-жек өткізуді ұсынды. Көп ойланбастан келісімімді бердім.
- Қарсыласыңыз жайлы не айтасыз?
- Шынына келсем, ерекше ештеңе байқамадым. Одан да мықты қарсыластармен кездескенмін.
- Жекпе-жектен не күтесіз?
- Ешқашан жеңіл айқас болады деп ойламаймын. Әркез қиын, ұзақ жекпе-жекке дайындаламын. Жақсы айқас көрсетеміз деген ойдамын.
-
Ұсынамыз
Комментарии