19 сәуірде Өскеменде хоккейден Jastar Ligasy жастар арасындағы Қазақстан чемпионатының финалы аясындағы төртінші матч өтеді, деп жазады Prosports.kz.

Финалдық матч өскемендік «Торпедо» мен астаналық «Барыс» арасында өтіп жатыр.

Бұған дейінгі үш кездесуде жеңіске жеткен елордалық хоккейшілер (Нұр-Сұлтанда 7:3 және 5:3, ал Өскеменде 4:1) алтын медаль алудың алдында тұр.

«Торпедо» - «Барыс» сериясындағы төртінші матчтың тікелей трансляциясы «Нұр-Сұлтан» уақытымен 16:50-де басталады.