Бүгін Алматыда «Қайрат» пен «Аят» арасындағы Қазақстан чемпионаты жартылай финалының екінші матчы өтеді, деп хабарлайды Prosports.kz.

Кеше өткен алғашқы ойында алматылық команда 8:2 есебімен жеңіске жетті.

Айта кетейік, жартылай финалдық ойындар қарсыластардың бірі үш жеңіске жеткенге дейін жалғасады. Қос команда арасындағы үшінші кездесу 18 сәуірде өтеді.

Егер алғашқы үш турда жеңімпаз анықталмаса, сериядағы төртінші және бесінші ойындар 19 және 22 сәуірге жоспарланған.

«Қайрат» - «Аят» матчының тікелей трансляциясы 15:55-те басталады. Ойынды QazSport телеарнасы көрсетеді.