Қазақстандық шабуылшы Абат Айымбетов Ресейдің Ұлттық футбол лигасындағы (ФНЛ) клубымен «Крылья Советовпен» келісімшартқа отырды, деп хабарлайды Prosports.kz Meta-ratings.kz сайтына сілтеме жасап.
Дереккөздің хабарлауынша, «Қайраттың» экс-шабуылшысы Самара клубымен ағымдағы маусым аяқталғанға дейін келісімшартқа отырған. Алайда, команда Премьер-лигаға шығу мәселесін шешкен жағдайда келісімшарт автоматты түрде тағы екі жылға ұзартылады.
ҰФЛ чемпионатының 26 турынан кейін Игорь Осинкин баптайтын команда турнир кестесінде екінші орында тұр. Көшбасындағы «Нижний Новгородтан» үш ұпайға қалып келеді. Чемпионаттың қорытындысы бойынша екі үздік команда РПЛ-ға тікелей жолдамаға ие болады. Тағы екеуі плей-офф арқылы шығуға мүмкіндік алады.
Айымбетов өткен маусымды «Қайрат» сапында өткізді. 10 гол соғып, чемпионат сұрмергені атанды.
Prosports.kz-тің эксклюзивті серіктесі Германияның Transfermarkt порталы Айымбетовті 1,5 миллион еуроға бағалап отыр.
Комментарии