Англия Премьер-лигасының 18-туры аясындағы «Астон Вилла» - «Тоттенхэм» матчы кейінге қалдырылды, деп жазады Prosports.kz.

Бұл туралы АПЛ баспасөз қызметі ресми хабарлады.

Аталған ойын 13 қаңтарда өтуі керек еді. Алайда «Астон Вилланың» көптеген ойыншысы коронавирус жұқтырып алғандықтан, олар кездесуді кейінге шегеруге өтініш білдірді. Ал лига басшылығы клубтың өтінішін қабыл алып, ойынды кейінге қалдырды.

Командалардың бір-бірімен қашан ойнайтыны әзірге белгісіз. Лига басшылығы бұл мәселені жақын арада шешеді.