Алматылық «Айсұлу» қыздар хоккей командасы Еуропа шайбалы хоккей лигасындағы алтыншы матчын өткізді. Турнирдің барлық кездесуі Аустрия аумағында өтеді, деп хабарлайды Prosports.kz.

Қазақстан командасының кезекті қарсыласы Аустрияның «Лейкерс» клубы болды. «Айсұлу» хоккейшілері айдын иелерін 5:3 есебімен сенімді түрде жеңді. Алматылықтар Еуропа әйелдер лигасының биылғы маусымында осымен үшінші жеңіске ие болды.

«Айсұлу» келесі кездесуін 5 желтоқсанда өткізеді.