Үлкен тенниске жанкүйерлер қайта орала бастады. Гамбургтегі ерлер бәсекесін тамашалау үшін күніне 2-3 мың жанкүйер трибунаға кіре алады, деп хабарлайды Prosports.kz ҰОК сайтына сілтеме жасап.

Бұл туралы турнирдің ресми сайтында белгілі болды. Гамбургтегі теннис турнирі 21-27 қыркүйек аралығына жоспарлаған. Төбесі ашық және он мың адам сыятын орталық кортқа жанкүйерлер кіргізу жоспарланып отыр. Трибунадағы отыратын орындар әлеуметтік ара қашықтықты сақтау ережесіне сәйкес беріледі. Сондай-ақ, адамдар топтасып жүрмеу үшін көрермендерді алаңға әртүрлі уақытта кіргізгу қарастырылған.