«Барселона» капитаны Лионель Месси каталониялық клубта қалатынын мәлімдеді. Бұл туралы Goal басылымы хабарлады.

– Клубтағы жағдайға көңілім толмай, командадан кеткім келді. Алайда маған бұлай жасауға мұрша бермеді. Істі сотқа дейін жеткізбеу үшін командада қалуды шештім. Бірақ Бартомеу бастаған басшылықтың жұмысы өте нашар.

Еске салайық, Месси қазіргі трансферлік кезеңде командадан кеткісі келді, бірақ оған келісімшартты біржақты бұзуға рұқсат берілмеді. Тіпті оған 700 миллион еуро көлемінде өтемақы төлеуге ешқандай клуб дайын болмай шықты.