Қазақстандық шабуылшы Максим Волков украиналық «Кременчук» командасына ауысты, деп хабарлайды Prosports.kz тілшісі Шайба.kz порталына сілтеме жасап.

35 жастағы хоккейші өткен маусымда «Ертісте» ойнаған. Қазақстан тұрақты чемпионатында 57 матчқа қатысып, 34 (10+24) ұпай жинаған. Ал плэй-оффтың бес матчында нәтижелігімен көзге түспеген.

Волков 2018 жылы Қазақстан құрамасы сапында Будапешттегі әлем чемпионатына қатысқан.

Максим Волков Қазақстанда «Құлагер», «Арыстан», «Арлан», «Астана», «Сарыарқа», «Қазақмыс» және «Газовик» командаларының намысын қорғаған.