Жетісулық жекпе-жек сайысының шеберлері кеңейтілген жаттығуын бастады
Елдегі карантин шаралары жеңілдегелі бері Жетісулық спортшылар далада дайындала бастады. Жекпе-жек сайысының шеберлері кеңейтілген оқу-жаттықу жиынына кірісіп кетті. Алматы облысының спортшылары күз айларында өтетін Қазақстан чемпионатына қатысуды жоспарлап отыр. Басты мақсат-командалық есепте жүлдегер атану, деп хабарлайды Prosports.kz тілшісі.
«Жекпе-жек сайысы» бастапқы да «Қоян қолтық ұрыс» деп аталған. Негізінен еліміздің қарулы күштері мен ішкі әскердің төл спорты болап саналады. Оны арнайы мақсаттағы бөлімше жауынгерлері әскери-қызметтік тәжірибеде тиімді қолданып жүр. 2012-ші жылы Алматы облысында өңірлік федерация ашылған. Содан бері бұл спорт түріне жергілікті жастардың қызығушылығы оянды. Жетісулық атлеттер түрлі деңгейде өткен жарыстарда жүлдесіз қайтып көрген жоқ. Биыл да сол дәстүрлі жалғастырсақ, дейді облыстың аға жаттықтырушысы. Басты мақсат - Қазақстан біріншілігінде лайықты өнер көрсету.
Ермус Мүсіркенов
ЕРМУС МҮСІРКЕНОВ, ЖЕКПЕ-ЖЕК САЙЫСАНАН ОБЛЫС ҚҰРАМА КОМАНДАСЫНЫҢ АҒА ЖАТТЫҚТЫРУШЫСЫ:
«Негізі жастар арасында 9 салмақ. Сол 9 салмаққа 2 спортшыдан дайындап жатырмыз.барлығы 18 адам. Жасөспірімдер де жас ерекшелігі бойынша 4 топ бар. Ол жерде 24-26 адам дайындаймыз. Осы спорттағы жүріп өткен жарыс тарихына тоқтала кетейін. Алматы облысының спортшылары арасынан алғаш рет әлем кубогінде 80 кг. салмақта Жандос Асқарбекұлы бірінші орын алды.100+ кг. Ердәулет Жеңіс екінші орын, 90 кг. салмақта Ермек Керімшеев үшінші орын алды. Сонымен қатар Елдос Қалиев, Асқар Көшербаев Қазақстан біріншілігінде қола жүлдегер болды. 2016-шы жылы Малдовада жасөспірімдер арасында әлем чемпионатына бардық. Онда Аслан Искандерев пен Ислам Нусузов деген оқушымыз алтын медаль алды. Әкімжан Хакимов екінші орыннан көрінді. Темірлан Жүнісбек қола медальға ие болды».
Алматы облысында жекпе-жек сайысымен айналысатындардың саны 300-ден асады. Жастардың дені №1 Талдықорған қалалық мамандандырылған балалармен жасөспірімдер спорт мектебінде оқиды.
ЕРМУС МҮСІРКЕНОВ, ЖЕКПЕ-ЖЕК САЙЫСАНАН ОБЛЫС ҚҰРАМА КОМАНДАСЫНЫҢ АҒА ЖАТТЫҚТЫРУШЫСЫ:
«Биыл біз онлайн режимінде жаттығу жасадық. Балаларды өзім қадағалап отырдым. Қазір барлығын 30-30-дан бөліп, арақашықтықты сақтап дайындаламыз. Жаз бойы індеттің кесірінен тоқтап қалған дайындық бағдарламамызды қайта жандандырып, жастарды шыңдаудамыз. Ерлер арасында биыл шілде айында ҚР чемпионаты Нұр-Сұлтан қаласында болу керек еді. Алайда, күзге қалды».
Рүстем Сәкеновтің жекпе-жек сайысымен айналысқанына 3 жыл. Осы уақыт ішінде Алматы облыстың 3 мәрте чемпионы атанып, Қазақстан біріншілігінде қола жүлдеге ие болды. 15 жастағы боз бала биыл елішілік жарыста жеңімпаз атануға бел байлапты. Сондықтан бапкерінің әр ақылын мұқият тыңдап, әдістерді сауатты орындауға тырысады.
Рүстем Сәкенов
РҮСТЕМ СӘКЕНОВ, ЖЕКПЕ-ЖЕК САЙЫСЫНАН СПОРТ ШЕБЕРІНЕ ҮМІТКЕР:
«Соңғы жарысымда 45 кг. салмақ дәрежесінде өнер көрсетім. 2-орынға ие болдым. Қазір салмақ өсіп 53 кг. қатысам. Алматы қаласының Ескендіров Аслан деген баласы болып тұр басты қарсылас. Ол әлем чемпионы 2019-шы жылғы. Қарсыласымда аяқтан мен сияқты тік тұрып істейтін бала.Оны күреспен аламба деп ойлаймын».
Облыстың ерлер құрама командасы Нұр-Сұлтан қаласында өтетін ел біріншілігіне дайындалып жатыр. Жасөспірімдер болса, Көкшетауда бақ сынайды. Республикалық жарыс күз айларына белгіленген.
ЕРМУС МҮСІРКЕНОВ, ЖЕКПЕ-ЖЕК САЙЫСАНАН ОБЛЫС ҚҰРАМА КОМАНДАСЫНЫҢ АҒА ЖАТТЫҚТЫРУШЫСЫ:
«Ерлер арасында қатсатын спортшыларымыз кем дегенде 4 алтын медаль алады деп, топшылап отырмыз. Бұл жерде Жандос Асқарбекұлы, Қымбат Ахмет, Назымжан Сыдықов, Ермек Керімшеевтерге сенім артамыз. Ал, жасөспірмдер командалық есепте 1-ші орын алады, деп мақсат қойдық. Бұл қатарда Рүстем Сәкенов ҚР қола жүлдегері, Бегзат Долдаев 2018-ші жылы Алматыда өткен әлем біріншілігінде қола жүлдегер болды. Одан кейін алтын медальға үміткер Әлтайыр Тұрғанбек деген оқушымыз бар. Олда әлем чемпионатында қола жүлдегер болды».
Жекпе-жек сайысына бокс, дзюдо, қазақ күресі, әскери самбо және каратэнің тәсілдері кіреді. Сондықтан бұл спорт адамнан төзімділікті, салқын қандылықты талап етеді. Бапкерлер шәкірттерін баптау барысында осы жәттарға ерекше көңіл бөледі. Сонымен қатар психологиялық дайындығына да ерекше назар аударады. Жекпе-жек сайысынан Алматы облысының аға жаттықтырушысының сөзіне сүйенсек, Жетісулықтар ел біріншілігінде үмітті ақтуға барын салмақ.
Комментарии