Боксқа оралғанын мәлімдеген американдық 57 жастағы Эвандер Холифилд Майк Тайсонға қарсы мүмкін болатын жекпе-жек туралы айтты, деп хабарлайды Prosports.kz.

«Мен Тайсонмен төбелесуге дайынмын. Бірақ мен көп ақша берсеңдер ғана кездесу өткізуге келісемін.

Мен боксқа қайта оралуға дайындалып жүр едім. Мен 50 жастан асқан кез келген қарсыласпен жекпе-жек өткізе беремін. Егер сіз 50 жастан асқан болсаңыз, мені жеңе алмайсыз.

Бәрі Майкпен кездесуге қанша ақша ұсынасыңдар, соған байланысты», - деді Холифилд.