Атақты «Джиро д’Италия» көпкүндік веложарысы виртуалды форматта өтіп жатыр, деп жазады Prosports.kz.
Турнирдің кезекті кезеңіне қазақстандық «Астана» велокомандасының екі спортшысы қатысты. Шабандоздар компьютерге қосылған арнайы велостанок арқылы 32,7 шақырымды бағындырды.
«Астананың» екі шабандозы да алғашқы алтылыққа енді. Омар Фрайле екінші орын алса, Уго Уль алтыншы болды.
Естеріңізге сала кетейік, виртуалды «Джиро д’Италия» веложарысының бірінші кезеңінде қазақстандық шабандозы Алексей Луценко топ жарған болатын.
Айта кетейік, виртуалды «Джиро д’Италия» жарысы 10 мамырға дейін жалғасатын болады.
Комментарии