Канаданың Монреаль қаласында тамыз айында өтетін әйелдер арасындағы Rogers Cup турнирі өтпейтін болды.

Квебек провинциясының басшылығы 31 тамызға дейін көпшілік жиналатын іс шаралар өткізуге тыйым салды. Сол себептен турнир биылғы жылы өтпейді. Келесі жылы қайтадан әйелдер арасындағы турнир Монреаль қаласында өтеді деп жоспарланып отыр.Негізі бұл турнир бір жыл Монреаль қаласында, бір жыл Торонтода өтетін.

Ерлер арасындағы Торонтодағы турнир әзірге кейінге шегерілмеді.