Құрамында үш қазақстандық бар «Virtus Pro» ұйымының CS:GO ұжымы Home Sweet Home онлайн-турнирінің плей-офф кезеңіне жолдама алды.

Топтық кезеңдегі ойындарда олар ресейлік «Gambit Yongsters» командасына жеңілді. Екінші ойында еуропалық «Nordavind» командасынан басым түсті. Кейін тағы да «Gambit Yongsters» ұжымымен жолықты. Бұл жолы екі команда плей-офф бәсекесінің жолдамасын сарапқа салған болатын. Қазақстандық ұжым 2:1 есебімен басым түсті.

Плей-оффта германиялық «BIG» командасына қарсы ойнайтын болады.

Жарыстың жалпы жүлде қоры 40 мың АҚШ долларын құрайды.