Елордалық «Барыстың» бас бапкері лауазымына үміткерлердің бірі - Владимир Чебатуркин, деп хабарлайды Prosports.kz Shayba.kz сайтына сілтеме жасап.
Бұған дейін 44 жастағы маман ЦСКА-да Дмитрий Квартальнов пен Игорь Никитиннің көмекшісі болған. Соңғы екі маусымда ол ЖХЛ-да өнер көрсететін және армия клубы жүйесінің құрамына кіретін «Звезданы» жаттықтырған.
Ойыншы ретінде Владимир Чебатуркин «Нью-Йорк Айлендерзде, «Сент-Луис Блюз», «Чикагода» «Блэкхоукс», «Ақ Барс», «Нефтехимик» және «Амурда» ойнаған.
Еске сала кетелік, 6 сәуірде «Барыстың» баспасөз қызметі Андрей Скабелка клубтың бас бапкері қызметінен кететіні туралы хабарлаған болатын. Ресми мәлімдемеде «Барыс» басшылығы мен беларусьтік маманның жаңа еңбек келісімі жөнінде ортақ келісімге келе алмайтындығы айтылды.
Комментарии