Қазақстандық шорт-трекші Абзал Ажғалиев биылғы маусымдағы алты әлем кубогының нәтижесі бойынша жалпы есепте үздік үштікті түйіндеп тұр. Абзал 16 ақпан күні Нидерландыдағы турнирде 500 метрге жарыста қола медаль жеңіп, 6400 ұпай еншіледі. Жалпы алты әлем кубогының нәтижесі бойынша 24,664 ұпай жинап, рейтингте үшінші орынға жайғасқан. Венгриялық спортшы Шаолинь Шандор Лю 50096 ұпаймен көш бастап келеді. Екінші орында қытайлық 32171 ұпаймен У Дацзинь орналасқан.