Испан премьерасының 4-ші турында «Реал Мадрид» өз алаңында «Левантені» 3:2 есебімен ұтты. Эден Азар команда сапындағы алғашқы ресми ойынын өткізді, деп хабарлайды Prosports.kz.

Алғашқы таймда Зинедин Зидан шәкірттері қарсылас қақпасына жауапсыз үш доп соқты. Кәрім Бензема дубль авторы атанды. Каземиро да мергендік танытты.

Матчтың екінші таймында «Леванте» азулы команданың алаңынан бір ұпай алып кетуге жақын болды. Қонақтар 75-ші минутқа дейін Тибо Куртуа қақпасынан екі мәрте саңылау тапты. Әйткенмен, алаң иелері жеңісті есепті сақтап қала алды.

Эден Азар ойынға 60-шы минутта шықты.