Еркін күрестен әлемнің екі дүркін чемпионы, Азия чемпионы, Азия ойындарында екі мәрте жеңімпаз атанған Иранның ұлттық батыры Реза Яздани Нұр-Сұлтанда өтетін әлем чемпионатынан тыс қалды, деп жазады Prosports.kz.

Яздани жаттығулардың бірінде жарақаттанып қалған. Ирандықтың әлем чемпионатына қатыспауы күрессүйер жанкүйерлерді жабырқатары анық.

Айта кетелік, Резаның салмақ дәрежесінде Жамбыл өңірінің тумасы Ерғали Әлішер бар. 97 келідегі жас балуан - жастар арасындағы әлем чемпионатының жүлдегері.