Мадридтің «Реалы» ПСЖ клубына жаңа ұсыныс жасады. Дереккөздердің айтуынша мадридтіктер Неймар үшін 120 миллион еуро және Лука Модричті қосып беруге әзір, деп жазады Prosports.kz.

Жалпы, Неймарға басты үміткер – өзінің бұрынғы командасы «Барселона». Алайда Париж командасы мен каталониялықтар келісімге келе алмай отыр.

Еске сала кетейік, Неймар 2017 жылы «Барселонадан» ПСЖ-ға рекордты саналатын 222 миллион еуроға ауысқан болатын.