Бүгін «Астана» футбол клубының қорғаушысы Марин Аничич түріктің «Коньяспор» клубымен келісімге келгені белгілі болды, деп хабарлайды Prosports.kz, елордалық клубтың ресми сайтына сілтеме жасап.

Аничич қазақстандық команда сапына 2014 жылы қосылып, елорда ұжымы сапында өткізген бес маусымда 5 рет Қазақстан чемпионатында топ жарып, 3 рет Қазақстан Суперкубогы мен 1 мәрте Ел Кубогын иеленген.
«Астана» футбол клубының ұжымы Маринге клубтың жетістіктеріне ерекше үлес қосқаны үшін алғыс білдіріп, алдағы мансабына сәттілік тілейді!