Prosports.kz сайты «Астананың» Чемпиондар лигасындағы алғашқы қарсыласы — румыниялық ЧФР клубы туралы аз-кем мағлұмат ұсынады.
ЧФР («Клуж») клубы 1906 жылы негізін қалаған. Лақап аттары — «теміржолшылар». Өз елінің 5 дүркін чемпионы, 4 рет Румыния Кубогын, 2 мәрте ел Кубогын және үш рет Суперкубокты еншілеген. УЕФА рейтингісінде 110-шы орында.
Аталмыш клубтың Чемпиондар лигасындағы дебюті 2008 жылы күз айында басталған. Италиялық бапкер Маурицио Тромбетта бастаған топ «Романы» жеңіп, кейін «Челсимен» болған кездесуде тең түскен.
2010 жылы Чемпиондар лигасын топтық кезеңде бастаған ЧФР клубы мюнхендік «Бавариямен» кездесті. Кезедсу неміс клубының жеңісімен аяқталды - 3:2. Румыниялық аталмыш матчта 4 гол соқты: екеуін - қарсыластар қақпасына, екеуін - өз қақпасына.
Еуропа лигасы 2012/13 маусымында 1/16 финалға дейін өтіп, аталмыш кезеңде италиялық «Интерге» жол берген екен.
Transfermarkt.de порталының мәліметіне сүйенсек, «Астананың» жалпы құны 23.73 млн еуроны құраса, ал қарсыласымыздың құрамының құны — 25.45 млн еуро.
Жалпы алғанда ЧФР клубының 4 ойыншысы екі елдің ұлттық құрамасында ойнайды. Оның 3-еуі Румыния құрамасының намысын қорғаса, Адам Ланг Венгрияның ұлттық құрамасында өнер көрсетеді.
Ұсынамыз
Комментарии