Есеп ашылмаған «Қайсар» - «Жетісу» кездесуінен кейін баспасөз мәслихатында журналистердің сұрақтарына жауап берген талдықорғандық команданың жаттықтырушысы Сергей Трубицин алаң иелерінің әлеуеті зор екенін айта келе «Жетісу» командасының да жағдайы мәз емес екенін тілге тиек етті.
• Ойын жайлы«Қайсар» командасын үздік алтылықтан орын алуларымен құттықтаймын. Қызылордалықтар бұған әбден лайықты. Бас бапкердің жұмысы көрініп тұр».
• «Қайсар» сапындағы үздік ойыншылар«Маған «Қайсар» команда ретінде ұнады. Бәрі де алаңда барын салып ойнап жүр. Бас бапкердің біліктілігінің арқасы ғой мұның бәрі. Әлбетте, Сергей Струков сынды тәжірибелі ойыншылары да бар».
• Ойыншылар алмастыруы туралы«Өздеріңіз де көрдіңіздер, қосалқы құрамда ойынды күшейте алар ойыншылар көп болған жоқ. Сондықтан, барына қанағат етуімізге тура келді. Негізгі құрамда алаңға шыққан футболшылармен-ақ кездесуді аяқтауға болар еді, бірақ Тарас Данилюк пен Сергей Шафф шаршап қалған соң олардың орындарына Ковалев пен Дидье Кадионы шығардық».
• «Жетісудың» қаржылық жағдайы«Негізі команда футболшылары айлықтарын уақытылы алып отырады. Бірақ жыл басынан бері сыйақыларын алған жоқ. Сондай-ақ, өткен жылғы қарыздардың да проблемасы әлі шешілмеді».
Комментарии