Берлиндегі Aqua Dom океанариумының Регина есімді сегізаяғы әлем чемпионатының нәтижесін болжаумен айналысуда және ол Германия құрамасы португалиялықтарға қарсы кездесуде жеңіске жетеді деп есептейді.

Регина 2010 жылғы әлем чемпионатында аты шыққан Паульдің ісін жалғастырып жатыр. Сол кезде сегізаяқ Пауль Германияның барлық матчын дәл болжап, испаниялықтар чемпиондық мінбеге көтерілетін білдірген болатын. Чемпионат кезінде ешқандай ақпараттық бағдарлама Пауль туралы сюжетсіз өтпейтін, ол туралы өлеңдер шығарылып, тіпті, сыйлықтар берілген еді.

Ал Регина осы жұмада балгерлік қызметімен алғаш рет көзге түсті. Тамақ салынған қос аквариумның ішінен Германия түсі барын таңдады. Ал бұның рас-өтірігін алдағы дүйсенбіде Германия – Португалия арасындағы кездесуден кейін білетін боламыз.