3 маусым күні ресейлік басылым беттерінде Испания 22 дүркін чемпионы «Барселона» Каталония тәуелсіздігін алған жағдайда Францияның Бірінші Лигасына ауысуы мүмкін деген ақпарат жарық көрді.

 

Бұған дейін де осыған ұқсас ақпараттар басылым беттерінде бірнеше мәрте жарық көрген болатын. Бұл жолғы дауға Еуропарламент отырысында каталондықтардың басым бөлігі Испаниядан бөлінуді қолдағаны түрткі болып отыр. Тіпті, «Барселонаның» ойындарында көрермендер Испанияның әнұранын орындағасы келмейді.

 

Клубтың ресми сайты болса бұған жауап қайтарған жоқ. Испанияның белді басылымдары да осыған қатысты қандай да бір ақпарат жариялаған жоқ. Тек Interviu.es сайты францияның арнайы құрылымдары испаниялық әріптестерін каталондық клубтың Лига 1-ге ауысуы жайлы ескертті деп жазады. Ал неге дәл Франция чемпионатын таңдағаны белгісіз.