Француз басылымдарының хабарлауынша, әлемнің бұрынғы бірінші ракеткасы ресейлік Динара Сафина ресми түрде спорттық мансабын аяқтады.

Сафина арқасын жарақаттағаннан кейін уақытша спорттан қош айтысуға мәжбүр болған. 28 жастағы теннисші соңғы рет 2011 жылы «Үлкен шлем» додасында кортқа шыққан. 2013 жылдың күзінде Динара спорттан кететінін айтқан болатын, алайда ресми түрде қазір хабарлады.