Бүгін елордада велотректен «Silk Way Series Astana» халықаралық жарысы басталады.

«Silk Way Series Astana» — CL2 және CL1 деңгейлеріндегі халықаралық жарыстар. Бұл додада шабандоздар әлем Кубогының кезеңдеріне қатысу үшін ұпайлар жинайды.

Жарыста Ұлыбритания, Қытай, Гонконг, Ресей, Әзірбайжан, Өзбекстан, Украина, Голландия, Испания, Литва, Латвия және Қазақстанның шабандоздары бақ сынайды. Байрақты бәсеке 19 мамыр күніне дейін созылады.