«Қайрат» ФК қадағалаушы кеңес комитетінің төрағасы Қайрат Боранбаев алдағы Қазақстан чемпионатының қарсаңында ой-пікірімен бөлісті.

«Қайрат» үшін осы жыл өте маңызды, себебі біздің клубымызға биыл 60 жыл толды. Бүгінгі мерейтойымызға келген клубтың ардагерлеріне өте қуаныштымын.  

Ресей, Украина немесе басқа бір шет елде жүргенде менен «Қайрат» футбол клубы, Сегізбаев, Ордабаев, Масудов тағы басқа атақты ойыншыларымыз жайлы жиі сұрайды, сол кезде өзімді мақтаныш сеземін. «Қайрат» пен әлем ардагерлері арасында жолдастық ойын өткізу жоспарда бар.

Бұған қоса, «Қайратқа» арнап үлкен мерейтой ұйымдастырғым келеді. Аталмыш шараға Құрбан Бердыев, Фабио Капелло, Олген Блохин тағы басқа футбол жұлдыздары қатысуға өз ниеттерін білдірді. Осының бәрі біздің клубымызға деген құрмет. Сондықтан, Қайрат ойыншыларына үлкен үміт артылып отыр.

Барлықтарыңызды жаңа футбол маусымның басталуымен құттықтаймын», - деді Боранбев.