Қазақстан Футбол Федерациясының вице-президенті Саян Хамитжанов алдағы іріктеу кезеңіне Юрий Красножанға қойылған мақсаттар туралы айтып берді. «Ауыр топқа түскенімізге қарамастан, жаңа бапкердің алдына жоғары мақсаттар қойылды. Нақтырақ айтсақ, іріктеу кезеңнің қорытындысы бойынша Қазақстан өз тобында төртінші орыннан төмен болмауы керек. Бұған қоса, ең биік мақсатымыз Еуропа чемпионатының финалдық кезеңіне жолдама алу», - деді Хамитжанов ҚФФ ресми сайтына.