Қазақстан кәсіпқой футбол лигасы маусымашар матчтың 2019 жылдың 3 наурызында Алматы қаласының Орталық стадионында сағат 15:00-де басталатынын хабарлайды.

Жаңа маусымдағы алғашқы кездесуде Қазақстан чемпионы «Астана» мен Қазақстан Кубогының иегері «Қайрат» тартысқа түседі.

Қос ұжым Қазақстан Суперкубогын 2015 жылдан бері сарапқа салып келеді. Төрт жыл ішінде екі жақтың көрсеткіші тең. Әрқайсысы екі реттен топ жарды.