Фристайлдан Лейк-Плэсид (АҚШ) қаласында өтіп жатқан әлем кубогі кезеңінде қазақстандық могулшылар финалдық кезеңге жолдама алды,деп хабарлайды Prosports.kz.

Ерлер арасындағы іріктеу кезеңінде қазақстандық Павел Колмаков Олимпиада чемпионына ғана есе жіберіп, екінші орынды иеленді ( 82.51 ұпай).

Тағы бір қазақстандық спортшы Дмитрий Рейхерд 79.82 ұпаймен 5-ші сатыға жайғасты.

Еске сала кетейік, Юлия Галышева да әлем Кубогының іріктеу кезеңінде бірінші боп келді.

Спортшыларымыз 18 қаңтар күні өтетін финалда бақ сынайды.