Алматылық «Қайратқа» Польшаның «Заглембе» командасының жартылай қорғаушысы Конрада Вжесиньски ауысты, деп хабарлайды Prosports.kz сайты.

Бұл туралы танымал поляк журналисі Томаш Влодарчик өзінің твиттердегі парақшасында жазды.

- Конрад Вжесиньски «Заглембеден» «Қайратқа» ауысты. Келісімшарт 2-3 жылға жасалған, - дейді ол.

25 жастағы ойыншы Польшаның Экстракласында ойнайтын «Заглембе» командасының намысын қорғайды. Вжесиньски оң қапталдағы жартылай қорғаушы міндетін атқарады. Биылғы маусымда алаңға 20 мәрте шығып, 3 гол соққан.