Өткен сенбінің кешінде Геннадий Головкиннен жеңілген ганалық боксшы Осуману Адама қарсыласының мықты болғанын айтты. «Жеңіліс табу, әрине, өкінішті. Бірақ мен қаймықпаймын. Әлем чемпионы атану - басты мақсатым. Головкин өте мықты боксшы. Ол бірінші раундта-ақ жойқын соққылармен бір көзімді жарақаттады. Көзім бұлдырлап, ештеңе көре алмадым. Соған қарамастан соңына дейін тұрдым», - деді Адама Eastsideboxing.com. сайтына.