«Астана» футболшылары əдеттегідей жаңа маусымға дайындықтарын БАƏ-де бастайды. Бұл туралы клубтың баспасөз-қызметі жазды.

Алғашқы жиын 15-30 қаңтар аралығында өтеді. Бірінші жиын кезінде команда алдағы маусымға функционалдық негіздерін қалыптастырса, ал жолдастық кездесулер ОЖЖ-ның екінші бөлігіне жоспарланған.

Команда екінші жиынды Түркияда 3-24 ақпан аралығында өткізеді. Бұл жиында команда көптеген жолдастық кездесулер ойнайды.

Айта кетейік, жиын кезінде командаға 2018 жылы өзінің отбасылық жағдайына байланысты қызметінен уақытша кеткен Роман Григорчук бас бапкер міндетіне қайта оралады.