Халықаралық шайбалы хоккей федерациясы (IIHF) әлем чемпионаттарында овертаймдардың форматын өзгертеді, деп хабарлайды Prosports.kz федерацияның ресми сайтына сілтеме жасап.

2019 жылдан бастап овертаймдар 3×3 форматында өткізілетін болады. Топтық кезеңнің ойындарында овертайм бес минутқа созылады, ал плей-офф ойындарында - 10 минут, финалда - 20 минут.

Еске сала кетейік, 2019 жылғы Әлем чемпионаты Словакияның Братислава және Кошице қалаларында 10-26 мамыр аралығында өтеді.