Үндістанның Нью-Дели қаласында өтіп жатқан бокстан әйелдер арасындағы әлем чемпионатында қазақстандық Жайна Шекербекова финалға жолдама алды. 28 жастағы шымкенттік боксшы бүгін әлемдік сынның алтыны үшін таласады.
- Финалға өткенім үшін қуаныштымын. Жартылай финалда жапондық қызды жеңу оңай болған жоқ. Десе де, мен қолдан келгеннің бәрін жасап, төрешілерден оң баға алдым.
Ендігі қарсыласым - Солтүстік Корея өкілі. Ол да өте мықты спортшылардың бірі. Оның жекпе-жегін Азия ойындарында көргенімін. Сол сында қарсыласым күміске қол жеткізген. Сондықтан, оған қолданатын тактикам дайын, - дейді Жайна.
Еске сала кетейік, Жайна 2016 жылғы әлем чемпионатының қола жүлдегері. Биылғы әлемдік сында Жайнадан бөлек, Карина Ибрагимова қола жүлдегер атанған болатын.
Жайна Шекербекованың финалдық кездесуі 24 қарашада өтеді.
Комментарии