Олимпиада чемпионы Instagram әлеуметтік желісіндегі парақшасына көлдің қазіргі жағдайын видеоға түсіріп алған.
Винокуровтың айтуынша, ол веложарыс бойынша әлем чемпионы Витторио Брумоттиға Алматының бар сұлулығын көрсету үшін алып келген. Сөйтсе, көлге келген екеуі табиғаттың ластанып кеткеніне таңғалып қалған.
"Керемет, бірақ ұят достар, өте ұят. Жақында менің досым Брумотти келіп кетті. Оған біздің әсем қала Алматының әдемілігін көрсетейін деп едім, айнала қоқысқа толы. Бұлай болмайды. Иә, достарым. Сендердің арттарыңда қалып кеткен қоқысты жинауға тура келді. Әлемді өзгертпес бұрын, өзімізді өзгертейік. Егер әрқайсымыз өзіміздің артымыздан жинап жүрсек, бір жыл ішінде қаламыз тазарып шығады. Сондықтан өзімізден бастайық, үлгі болайық", - деп жазды Олимпиада чемпионы.
Ұсынамыз
Комментарии