Matchroom Boxing промоутерлік компаниясы қазақстандық боксшы Данияр Елеусіновтың төртінші жекпе-жегі қашан өтетінін хабарлады.

Данияр 20 қазанда америкалық Бостон қаласында жекпе-жек өткізбек. Бұл кездесуде оның қарсыласы кім болатыны белгісіз. Бұл бокс кешінің басты жекпе-жегінде WBO чемпионы Билли Джо Сондерс (26-0, 12 КО) пен Деметриус Андраде (25-0, 16 КО) жұдырықтасады.

«Дауыл Бостонға қарай бара жатыр...», - деп жазды Matchroom Boxing өзінің Твиттердегі парақшасында.

Естеріңізге салсақ, Данияр Елеусінов өзінің соңғы жекпе-жегін 4 тамызда Кардиффте өткізген болатын. Сол жекпе-жекте венгриялық Габор Горбичті төрешілер шешімімен жеңді.