Мексикалық боксшы Сауль Альварес 15 қыркүйекте Геннадий Головкинге қарсы рематчта өзінің үздік екенін дәлелдемек.

«Мен бастан өткізген жайттардан соң бұл жекпе-жек үлкен мағынаға ие. Өз жұдырықтарымның арқасында үздік екенімді дәлелдеп, Головкинге маған айтқан әр сөзін өзіне қайта жұтқызамын. Сенімді жеңіске қол жеткізіп, арамызда кімнің үздік екенін дәлелдеймін», - деді Альварес.

Айта кетейік, бұл рематч Лас-Вегаста Мексиканың Тәуелсіздік күнінде өтеді.