Ресей құрамасы мен «Зенит» клубының бұрынғы шабуылшысы Александр Кержаков бүгінгде «Қайрат» клубында ойнап жүрген Андрей Аршавинді өзі бірге ойнаған ресейлік ойыншылардың ішіндегі үздігі деп атады. Бұл туралы ол «СЭ» басылымына берген сұхбатында айтқан.

–Әрине, бір ойыншыны бөліп жарып айту қиын. Дегенмен, мен Аршавинді таңдайтын едім. Өкінішке орай Александр Мостовой мен Дмитрий Аленичевтің спорттық мансабын толық бақылай алмадым. Олар да өз ісінің үлкен шеберлері. Алайда, Аршавин мен бірге ойнаған ең үздік ойыншы, – деді Кержаков.