АСТАНА. ҚазАқпарат - Халықаралық бокс федерациясы (IBF) барлық салмақ дәрежелері бойынша боксшылардың сәуір айындағы рейтингін жариялады, деп хабарлайды Prosports.kz cайты ҚазАқпаратқа сілтеме жасап.

Қазақстандық боксшы Қанат Ислам (25-0, 20 КО) бірінші орта салмақтағы ТОП-15-те алғашқы үштіктегі орнын сақтап қалды. Жанқош Тұраров (22-0, 15 КО) жартылай жеңіл салмақта 11-ші орында, ал Жанат Жақиянов (27-2, 18 КО) бұрынғыша жеңіл дивизионның 14-ші позициясында тұр.