Жеңіліп көрмеген америкалық боксшы Деметриус Андраде 5-ші мамыр күні Геннадий Головкин мексикалық Хайме Мунгуямен жұдырықтасуы мүмкін деген ақпаратқа байланысты пікірін білдірді, деп хабарлайды Prosports.kz.

- Менің Геннадий Головкинмен 5-ші мамыр күні жұдырықтасуымды қолдаған барлық жанкүйеріме рақмет. GGG-дің таңдауынан көңілім қалды. Хамлич Фунгай (Хайме Мунгуя – Prosports.kz)? Аты қалай еді. Мен үшін бұл тосын жағдай болған жоқ. Бокс – бірінші кезекте бизнес , - деп жазды америкалық боксшы твиттердегі парақшасында.

Айта кетейік, Геннадий Головкиннің 5-ші мамырда кіммен жекпе-жек өткізетіні әлі белгісіз.