Аргентина мен Бразилияның жеңісіне сендік

Бүгін ұлттық құрамалар арасында көптеген жолдастық кездесулер өтеді.

Солардың арасында футбол жанкүйерлерінің басым көпшілігінің назары Германия мен Бразилия құрамлары арасында өтетін ойынға түсіп отырғаны жасырын емес. Соңғы өткен Әлем чемпионатының жартылай финалын Бразилия құрамасы еске алғысы келмейтіні жасырын емес. Өз жерінде өткен Әлем чемпионатының финалына шығамыз деген армандары Неймар жарақат алып қатардан шыққан соң сөне бастаған. Алайда немістердің өзі сол ойын алдында Бразилияны 7-1 есебімен ұтамыз деп ойламаған болар. Алаң қожайындары бұл ойыннан соң есін жия алмай үшінші орын үшін өткен ойында Голландиядан да оңбай ұтылған.

Одан бері көп нәрсе өзгерді. Бразилия құрамасында бірнеше бапкер ауысып қазіргі уақытта Тите команда тізгінін ұстаған. Тите келгеннен бері Бразилия қайтадан азулы қарсыласқа айналды. Қорғаныс пен шабуылда баланс пайда болды. Қазіргі Бразилия құрамасының кез келген ойыншысы қарсылас үшін қауіпті.

Ал Германия құрамасы болса елге төртінші чемпиондықты алып келген Иохим Лев бапкерді сақтап қалды. Спорттық мансабын аяқтап кеткен Лам мен Клозе жоқ демесеңіз өзгелері әлі де Германия құрамасы үшін әлі де жарамды. Олардан өзге тағы бір шоғыр жас таланттар өсті. Өткен жазда Лев мырза сол жастардан құралған құрамамен Ресейде өткен Конфедерация Кубогында топ жарған. Сол құрамада ойнаған біраз жастарды алдағы үш айдан соң басталатын Әлем чемпионатында көріп қалуымыз ғажап емес.