Қытайдың Уси қаласында садақ атудан жасөспірімдер арасында әлем чемпионаты өтіп жатыр. Бұл сынға қазақ мергендері де аттанған.

 Бүгін түн ауа Уси қаласынан қуанышты жаңалық алдық. Он жеті жастағы қазақ баласы Санжар Мұсаев (суретте) ұлдар арасындағы жекелей сында финалға шықты. Демек, қоржынымызда кем дегенде күміс жүлде бар деген сөз.

Қандасымыз алдымен поляк Кашпер Визонды, француз Томас Коенигті, ширек финалда тайпейлік Ли Чи Тангты ұтты. Ал жартылай финалда ресейлік Арслан Валдановтан 7:1 есебімен басым түсті. Санжар енді алтынды ағылшын Патрик Хюстонмен сарапқа салады.