«Қайрат» футзал клубының қақпашысы Игита Ресейдің Щелково қаласында өткен бесінші кезекті Еременко кубогының үздік қақпашысына арналған жүлдесін жеңіп алды, деп хабарлайды prosports.kz сайты.

Қазақстанда ғана емес әлемде өте үздік қақпашылардың бірі саналатын Игита осы кезекті турнирде де көпшілікті өз өнеріне тамсандыра алды.

Ол алматылық клубтың аталған кубокта төртінші чемпион атануына үлкен үлес қосты. Оның командасы турнирдегі соңғы кездесуде Ресейдің КПРФ командасын 7:3 есебімен жеңген болатын.