«Астана Арена» стадионының кассаларында 2018 жылғы «Астана» мен «Қайрат» футбол клубтары арасында сарапқа салынатын Қазақстан Суперкубогына билеттер сатылымы басталды, деп хабарлайды Қазақстан кәсіпқой футбол лигасы.

Касслардың жұмыс жасау тәртібі – 10:00-ден 20:00-ге дейін. 4 наурыз, ойын күні, кассалар 10:00-ден бастап бірінші таймның соңына дейін ашық болады.

Сонымен қатар, билеттерді «Тикетон» қызмет көрсету сайтында (сатып алуға сілтеме) және Астана қаласындағы «Меломан», «Керуен» ОСО және «Мечта» СО серіктес-дүкендерінде сатып алуға болады.

Суперкубок үшін кездесу 2018 жылдың 4 наурызында елордалық «Астана Арена» стадионында өтеді. Ойынның басталуы – 15:00-де.