Әділбек Жақсыбеков ҚФФ тізгінін қайта ұстады
Бүгін Астанада Қазақстан футбол федерациясының кезектен тыс он алтыншы конференциясы өтті. Бұл туралы Baq.kz ақпарат агенттігіне сілтеме жасап, Prosports.kz хабарлайды.
Аталған жиында Әділбек Жақсыбеков федерацияның жаңа президенті болып тағайындалды. Ал бұрынғы президент Сейілда Байшақов отставкаға кетті.
Конференция барысында Байшақов «Қазақстан футболының еңбек сіңірген қайраткері» атағына ие болды.
«Бұл мен үшін үлкен мәртебе және барлықтарыңызға сенім артқандарыңыз үшін алғыс айтамын. Алайда 10 қаңтар күні отставкаға кету туралы шешім қабылдаған болатынмын. Менің өтінішімді қабылдап, кезектен тыс конференция өткізіп жатқан атқарушы комитетке де алғыс айтамын», - дейді Байшақов.
Естеріңізге сала кетсек, 18 қаңтар күні аймақтық федерациялар Қазақстан футбол федерациясы президентінің орнына Әділбек Жақсыбековті ұсынған болатын.
Комментарии